ஓர் நாள் வரும்

காலம் மாறியது... என் கவலையல்ல ,
அதற்கு ஓர் நாளும் அழுததில்லை!
விடை தேடி எங்கும் அலைந்ததில்லை -என்
விடாமுயற்சி கைவிட்டு போகவும் இல்லை !!.


நினைத்த லட்சியம் -என்
நீண்ட நாள் ஆசை,
எதிர் நீச்சலில்-அது
என்றும் கேட்டிடாத ஓசை!!


காத்திருந்தால் காயமா?
அதற்காக இந்த வாழ்க்கை
ஓர் துயரமா?
ஆசை மறப்பது நியாயமா?
கண்களின் ஈரம்
கனவை ஒதுக்குமா?


வார்த்தையில் ஏன் வன்முறை ??
வாழ்க்கையில் ஏன் இந்த வாட்டம்?

மலரில் பரவும் அதன் வாசம்,
உயிர் பிரிந்தாலும் என்றும் வீசும்!!

மலரை படைத்தவன்-அவனே
மனமும் படைத்தான்- என்
மனதில் மலர்ந்திடும் மாற்றங்கள்
முகவரி அறியாமல் மூழ்கிடுமோ என்ன?

மீண்டு(ம்) -எனக்கு

ஓர் நாள் வரும்...!!!