எதிரொளி

நாடகம் முடியும் இன்னாளில்
எங்கேயோ எதிரொளி!
ஏங்கிவிட்டான்.

நாளைய பொழுது இனி
நிச்சயமில்லை
பின்பு தேடலெதற்கு?

"வாய்ப்பு வளர்க்க வேண்டாம்"
வாசித்தார் ஒருவர் -அவன்
வாழ்க்கை பத்திரம்.

இறுதியில் கேள்வி எழுந்தது,
"ஏதாவது சொல்ல...?"
கண் சிமிட்டி 'கடவுளே' என்றான்.

தண்டனை தெரியுமா?
‘தூக்கு நிச்சயம்’
ஆரம்பம் கண்டவரே அசந்தார்!

கூச்சல் போட்டாலும் கேட்பாறோ?
எனவே எழுதியது ஏற்று
‘ஆம்’, என்றான்.

கேட்டதை கண்டு காலம் முடித்தார்.
இவர் கேட்காது போவது,
இதுபோல் எத்தனயோ?

தூக்கு மரம் நாளாய் நெருங்கும்
இவனுக்கும் கனவுண்டு,
தீராத சில கனவு!